Մանկական օճառը՝ էկզեմայի պատճառ

Բանն այն է, որ իր կյանքի առաջին վեց շաբաթների ընթացքում երեխան անպաշտպան է վարակների նկատմամբ: Հենց այդ ժամանակ այն երեխաները, որոնք ժառանգական նախատրամադրվածություն ունեն էկզեմայի հանդեպ, կարող են օճառներից էկզեմայով վարակվել:

 

Սովորաբար ալերգենների ներթափանցմանը խանգարում է մաշկի եղջերային շերտը: Սակայն էկզեմայի նախատրամադրվածությամբ երեխաների մաշկի բջիջները սովորաբար շատ ջուր են կորցնում, որի արդյունքում կնճռոտվում են`   մաշկի վրա թողելով «յուրատեսակ» ճեղքեր: Իսկ դրանց մեջ կարող են անցնել բազմաթիվ գրգռիչներ:

 

Օճառի օգտագործումը ոչնչացնում է այն բջիջները, որոնք նոր էին սկսում ձևավորվել: Ներկայումս նորածինները և երեխաները հիմնականում օգտվում են այնպիսի լվացող միջոցներից, որոնք պարունակում են սինթետիկ բաղադրիչներ: Ուստի հավանական է, որ մանկական օճառները ռիսկի են ենթարկում երեխաների առողջությունը: