Սիրտը բուժում ենք կիտրոնով

Կիտրոնի օգտակար հատկությունների մասին բոլորին է հայտնի: Դրա ազդեցությունն օրգանիզմի վրա անգնահատելի է: Վիտամիններով ու հանքանյութերով հարուստ այս միրգն օգտագործվում է նաև սիրտ-անոթային հիվանդությունների կանխարգելման ու բուժման համար: Այդ նպատակով օգտագործում են ինչպես ամբողջական կիտրոնը, այնպես էլ հյութն ու կեղևն առանձին:

Կիտրոնի բաղադրության մեջ մտնող շատ նյութեր բարերար ազդեցություն են թողնում սրտի մկանների տոնուսի վրա, ամրացնում են անոթները` դրանով նպաստելով աթերոսկլերոզի կանխարգելմանը, պաշտպանելով անոթները խոլեստերինային կուտակներով խցանվելուց: Կիտրոնն օգնում է հավասարակշռել սրտանոթային համակարգի ակտիվությունը:

Աթերոսկլերոզ

Անոթների այս քրոնիկական հիվանդության կանխարգելման և բուժման գործում կարևոր դեր են կատարում կիտրոնն ու սխտորը:

1 գլուխ սխտորը ճզմել, խառնել 1 կիտրոնի հյութի և 2 թեյի գդալ մեղրի հետ: Խառնուրդը բաժանել 2 մասի և ընդունել առավոտյան ու երեկոյան` ուտելուց կես ժամ առաջ:

Երակների հիվանդություն

Այս խնդրի դեպքում քնելուց առաջ հիվանդ հատվածների վրա կիտրոնի շերտիկներ դնել, փաթաթել որևէ տաք շորով: Կիտրոնի հյութը մաշկի միջով թափանցում է և ներծծում բուշտերն ու խարամները: Լուրջ խնդրի դեպքում նման թրջոցներ կարելի օրական մի քանի անգամ դնել:

Հիպերտոնիա

Զարկերակային արյան բարձր ճնշման դեպքում օգտակար են բոլոր ցիտրուսները: Բուժումը ցանկալի է սկսել, երբ խնդիրը նոր-նոր է առաջացել:

Կիտրոնի կեղևը նույնպես օգնում է զ/ճ-ն իջեցնելուն: Թուրմ պատրաստելու համար վերցնել 2 ճաշի գդալ թարմ կիտրոնի կեղև, ավելացնել 2 բաժակ եռացրած ջուր և մարմանդ կրակով եփել մոտ կես ժամ, թողնել թրմվի 10 րոպե, ապա քամել: Ընդունել 0,5 բաժակ օրական 3 անգամ ուտելուց կես ժամ առաջ:

Կիտրոնով բուժման հակացուցումներն են՝

Ստամոքսի և 12-մատնա աղու խոցը

Բոլոր տեսակի գաստրիտները

Պանկրեատիտը

Լեղապարկի և լեղուղիների հիվանդությունները

Լյարդի հիվանդությունները

Ցիտրուսներով պայմանավորված ալերգիան

Մեծ քանակությամբ կիտրոնը կարող է վնասել ատամների էմալին:

Հեղինակ` Ն. Ա.

Սկզբնաղբյուր` Առողջապահության լրատու