Ինչպես տրամադրվել աշխատանքի

Կարող ենք շրջել խանութներով, նայել գեղեցիկ ցուցափեղկերին, տանը մնալ և տրվել հեռուստացույցի առջև ոչինչ չանելուն: Մենք կարող ենք անուշեղեններ ճաշակել, նույնիսկ քնել մինչև ճաշի ժամը: Մի խոսքով արձակուրդը մեզ հնարավորություն է տալիս աշխատանքից հանգստանալու:

 

Բայց վաղ թե ուշ հանգիստը վերջանում է։ Ահա մոտենում է օրը, երբ անհրաժեշտ է արդեն աշխատանքի գնալ: Երկարատև արձակուրդից հետո աշխատանքին վերադառնալը երբեք հեշտ չէ: Միայն նրանք, ովքեր անգամ լողափին պառկած, մտքով շարունակում են գտնվել գրասենյակում և չեն կարողանում սպասել արձակուրդի կամ հանգստյան օրերի ավարտին, կկարողանան  հեշտորեն վերադառնալ աշխատանքի:

 

Իրավամբ, դժվար է աշխատանքի վերադառնալ երկարատև ընդմիջումից հետո: Ողջ աշխարհում միլիոնավոր մարդիկ տառապում են սթրեսից, որը հոգեբաններն անվանում են «ետտոնական համախտանիշ»: Սթրեսի նման տեսակից ազատվելու համար պահանջվում են զգալի ջանքեր:

 

Ետտոնական սթրեսի դեմ պայքարն արագ արդյունքներ կունենա, եթե զբաղվեք ձեզանով և այդ խնդիրը չմատնեք ինքնահոսի, որի համար շատ բան չի պահանջվում՝

 

- Փորձեք աստիճանաբար վերադառնալ աշխատանքային գրաֆիկին,

- Մի՛ պլանավորեք լուրջ հանդիպումներ առաջին աշխատանքային օրվա սկզբին,

- Կատարեք գոնե ամենահասարակ ֆիզիկական վարժությունները,

- Ձեզ համար արեք ինչ-որ հաճելի բան, մի՛ սկսեք սպասել հաջորդ տոնին կամ արձակուրդին:

 

Սկզբնաղբյուրը`   Jlady.ru