Համաշխարհային սարդոստայն

Համաշխարհային սարդոստայնի ("WWW") հայտնագործումը վերագրվում է Միջուկային հետազոտությունների եվրոպական կազմակերպության աշխատակից Թիմ Բերներս-Լիին:

Համաշխարհային սարդոստայնը ("WWW") հիպերտեքստային փաստաթղթերի համակարգ է, որն աշխատում է համացանցում և թույլ է տալիս բացել ու նայել կայքէջերը` օգտվելով դիտարկիչից ("browser"):

Վերջինիս միջոցով կարելի է նայել և տեսնել կայքէջեր, որոնք պարունակում են նկարներ, տեքստեր, տեսահոլովակներ, ինչպես նաև տեղափոխվել մի էջից մյուսը հիպերկապերի միջոցով:

Վեբն ընդամենը մեկն է համացանցային ծառայություններից, մյուս ծառայություններից են էլեկտրոնային փոստը, վայրկենական հաղորդագրությունը և այլն։

Վեբը հորինվել է համացանցի ստեղծումից տարիներ անց, սակայն հենց դա է, որ կենտրոնացրել է մեդիաների ուշադրությունը համացանցի վրա։

Այդ ժամանակից ի վեր վեբը հաճախ շփոթում են համացանցի հետ, հատկապես՝ ցանց բառն օգտագործվում է ոչ տեխնիկական տեքստերում՝ առանց նշվելու, թե ինչի մասին է խոսքը վեբի՞, թե՞ համացանցի։