Ինչպես ունենալ առողջ և գեղեցիկ մաշկ

Առողջ, հարթ և գեղեցիկ մաշկ ունենալը պայմանավորված է ոչ միայն արտաքին ճիշտ խնամքով, այլև առողջ և ակտիվ կենսակերպ վարելով, առողջ սնունդ ընդունելով: Ահա, ձեզ ենք ներկայացնում մթերքներ, որոնք կօգնեն առջող մաշկ ունենալու հարցում:

Նարնջագույն բանջարեղեն

Նարնջագույն բանջարեղենը (օրինակ` գազարը, դդմիկը ևն) պարունակում է բավականաչափ բետա-կարոտիններ և այլ կարոտինոիդներ, որոնք օրգանիզմում վերածվում են մաշկի առողջության համար անհրաժեշտ А վիտամինի:

Հատապտուղներ

Հապալասը, ազնվամորին, հաղարջը և մի շարք այլ հատապտուղներ С վիտամինի հրաշալի աղբյուր են: Այս վիտամինն անհրաժեշտ է մաշկի առաձգականությունն ապահովող կոլագենի ձևավորման համար:

С վիտամինը նաև հակաօքսիդանտ է համարվում, որը մաշկի բջիջները պաշտպանում է վնասվելուց: Հատապտուղների մյուս առավելությունն այն է, որ քիչ շաքար են պարունակում, իսկ շաքարը, ինչպես հայտնի է, նպաստում է մաշկի ծերացմանը:

Դդմի կորիզներ

Դդմի կորիզները ցինկի հրաշալի աղբյուր են: Ցինկն ապահովում է մաշկի արդյունավետ վերականգնումը: Այդ հանքանյութի պակասը հանգեցնում է ակնեի, դերմատիտի առաջացման, ինչպես նաև մաշկը չոր ու խոցելի է դարձնում:

Աղբյուրը՝ Med.news.am