Գարնանային ալերգիայի մասին

Խմել հակահիստամինային դեղամիջոցներ և հեռու մնալ ծաղկափոշուց. այս կանոնները գիտի յուրաքանչյուր ոք, որը տառապում է գարնանային տենդով: Սակայն որպեսզի գարնանը հնարավոր լինի ավելի հեշտ շնչել, նկատի ունեցեք նաև գարնանային ալերգիայի մի քանի անսպասելի հարուցիչներ:

Մրգեր

Մրգային շուկան կարող է ամրապնդել ձեր իմուն համակարգը, բայց նաև կարող է այն չափից դուրս գրգռել: Երբ շրջակայքում ծաղկող ծառեր են, խոտ և ծաղկափոշի, ձեր իմուն համակարգն սկսում է արձագանքել ամեն ինչին, ինչը փոքր-ինչ ալերգեն է հիշեցնում:

Ակնհայտ օրինակ է մրգային փոշին: Կեղևով մրգերը կարող են բարդացնել ալերգիայի ախտանիշները, քանի որ հիմնական ալերգենները գտնվում են կեղևում: Այդ պատճառով խորհուրդ է տրվում մաքրել կեղևը կամ կոմպոտ եփել:

Ալկոհոլ

Ալկոհոլը լայնացնում է քթի անոթները և կարող է բարդացնել ալերգիայի ախտանիշները: Գինին ալերգիայի ժամանակ կարող է նույնիսկ ավելի վատ ազդել:

Սթրես

Սթրեսն ալերգիա չի առաջացնում, սակայն կարող է սրել ախտանիշները: Այդ իսկ պատճառով ինքներդ ձեզ մի քիչ ժամանակ հատկացրեք: Մի քանի օր աշխատանքից հանգիստ վերցրեք, զբաղվեք յոգայով և մեդիտացիա արեք:

Մազերի խնամքի միջոցներ

Մազերի խնամքի համար նախատեսված գելերը, լաքերը ձգում են փոշին, որը կուտակվում է մազերում, նշել է Նյու Յորքի ալերգիայի և ասթմայի կենտրոնի բժշկական տնօրեն Քլիֆօրդ Բասեթը:

Բժիշկ Բասեթը խորհուրդ է տալիս հնարավորինս չօգտագործել լաքեր, գելեր և սփրեյներ: Իսկ եթե առանց դրանց չեք կարող հարդարել մազերը, ապա ամեն օր լվացեք գլուխը, որպեսզի քնելուց առաջ ալերգենները լվացվեն մազերի վրայից:

Խոնավություն

Գարնանը խոնավությունը բարձր է, իսկ փոշու տզերը սիրում են խոնավությունը: Օդի չորացուցիչ օգտագործեք օդի խոնավությունը 40-45% մակարդակի վրա պահելու համար։

Սենյակային բույսեր

Սենյակային բույսերը, չափից ավելի հաճախ ջրելով, դուք կարող եք նպաստել սենյակում բորբոսի առաջացմանը, որը ձեր ալերգիայի ախտանիշները նույնիսկ ավելի արտահայտված կդարձնի, քան փողոցում:

Առավոտյան ցնցուղ

Եթե ձեր քիթը փակված է, ապա ցնցուղ կարելի է ընդունել ոչ թե առավոտյան, այլ երեկոյան՝ քնից առաջ: Այս դեպքում դուք ձեր հետ անկողին կմտցնեք ավելի քիչ ալերգեններ: Եթե դուք առանց առավոտյան ցնցուղի չեք կարող, ապա քնելուց առաջ գոնե լվացեք երեսը տաք ջրով:

Աղբյուրը՝ Med.news.am