11-րդ «Հայֆեստ» միջազգային թատերական փառատոնում այս տարի բեմադրվեցին նաև իրանական ներկայացումներ

Ըստ իրանական ներկայացումների համակարգող Ալբերտ Բեգիջանյանի` իրանական թատրոնի ներկայացումներն այս տարի իրանցի դերասանները խաղացել են լեփ-լեցուն դահլիճներում, հանդիսատեսը նրանց ջերմությամբ է ընդունել:

 

Բանախոս-դրամատուրգ Դարիուշ Մուադաբիյանն ասում է,որ այս տարի հիմնականում երիտասարդներն են հանդես եկել իրենց ներկայացումներով, և երազում է, որ մյուս տարի «Հայֆեստին» իր սերնդի հայացքները ներկայացնի. «Այս փառատոնը տարբերվում է մյուսներից նրանով, որ այստեղ պարզություն կա. այն, ինչը չեմ տեսել այլ փառատոներում»:

 

Սահմանափակումների մասին դերասանուհի Նազգոլ Նադերյան ասում է, որ իրեն ավելի շատ նեղացնում է այն, որ ինքն աշխատանքով ապահովված չէ, և իր աշխատանքով ինքը չի կարող վաղվա օրն ապահովել. «Մեզ համար թատրոնում աշխատելը պայքար է, և չենք մտածում, թե վաղն ինչ կլինի: Սահմանափակումների մեջ պայքարում ենք, մինչև կարողանանք ինչ-որ տեղ կոտրել այդ սառույցը»:

 

Ինչ վեաբերում է հայ-իրանական թատրոնների համագործակցությանը, ապա Դարիուշ Մոադաբիյան ասաց, որ հայ-իրանական կապերը ոչ միայն քաղաքական են, այլև մշակութային: Դրանք գալիս են դեռևս Սասանյաններից և Արշակունիներից, իսկ այժմ այդ կապերն ավելի են ամրացել:

 

Աղբյուրը` 1in.am