Միջոցառում` Գյումրու «Օյունջյան» դպրոց-վարժարանում

Միջոցառումն սկսվեց ՀՀ օրհներգով, և դահլիճ բերվեց հայոց եռագույնը: Մեղմ երաժշտության ներքո աշակերտները սահուն ու գեղեցիկ ասմունքում էին: Ցուցադրվում էին Հայաստանի պատմական վայրերը պատկերող նկարներ: 8-րդ «ա» դասարանի աշակերտ Գրիգորի Գաբրիելյանի կատարմամբ հնչեց «Քելե´, լաո…» երգը` դուդուկի նվագակցությամբ, շատերի աչքերում արցունքներ երևացին, հուզված էին հատկապես հյուրերը:

 

Հայրենասիրական երգերով հանդես եկավ Սիլվա Առաքելյանը: Իրենց հեզաճկուն պարով միջոցառումը զարդարեցին նաև 2-րդ «բ»  և 5-րդ «բ» դասարանների աշակերտները:

 

Շնորհակալական խոսքով հանդես եկան դպրոցի տնօրեն տիկին Հ. Անդրիսյանը, բժիշկ Հովհաննես Օյունջյանը  և «Օյունջյան» հիմնադրամի տնօրեն Գ. Լաճիկյանը:

 

Սեփական լրատվություն