Կայացավ «Այսպես կարող եմ միայն ես» վիդեոմրցույթի հաղթողների մրցանակների հանձնման արարողությունը

Հիշեցնենք, որ մրցույթը հայտարարվել էր ամռանը: Մրցույթի անցկացման նպատակն էր` բացահայտել Երևանի և մարզերի տարբեր դպրոցներում սովորող տաղանդավոր, ստեղծագործ աշակերտների:

 

Մրցույթին աշակերտների կողմից ներկայացվել էին ավելի քան 300 աշխատանքներ, որոնցից 2-րդ փուլ անցան և հանրության դատին հանձնվեցին 53 տեսանյութեր:

 

Մրցույթում հաղթող ճանաչվեցին մասնակիցներից 24-ը:Լավագույն հորիզոնականներ զբաղեցրած` Ազատ Սիմոնյանը, Արևիկ Երիցյանը, Արփինե Բարոյանը և Աստղիկ Բերուջանյանը ստացան պլանշետներ և mp3 նվագարկիչներ, իսկ մնացած 5-20-րդ տեղերը զբաղեցրած աշակերտները ստացան խրախուսական մրցանակներ:

 

«Dasaran.am» կրթական ծրագիրը շարունակում է փնտրել և բազմաթիվ մրցույթների միջոցով բացահայտել տաղանդավոր և շնորհալի աշակերտների` այժմ հայտարարելով «Իմ ոգեշնչման աղբյուրն իմ ուսուցիչն է» խորագրով շարադրությունների մրցույթ:

 

Սեփական լրատվություն