«Ապրել միասին». Ֆրանկոֆոնիայի գալա-համերգի մի մասը նվիրված կլինի Շառլ Ազնավուրին

ՀՀ ԱԳՆ գլխավոր քարտուղար, ՖՄԿ գագաթնաժողովի անցկացման արտգործնախարարության աշխատանքային հանձնախմբի ղեկավար Վահագն Մելիքյանն այսօր Ֆրանկոֆոնիային նվիրված մամուլի ասուլիսի ժամանակ նշել է, որ հոկտեմբերի 11-ին կայանալիք գալա-համերգը բաղկացած է լինելու 3 մասից և ավարտական մասը նվիրված է լինելու Շառլ Ազնավուրի հիշատակին: Աշխատանքային հանձնախմբի ղեկավարը նշել է նաև, որ Ելիսեյան պալատի հետ քննարկվում են Շառլ Ազնավուրի հիշատակին նվիրված միջոցառումների մանրամասները, և որ այդ միջոցառումներին չի բացառվում աշխարհահռչակ աստղերի մասնակցությունը: Ըստ որում, համերգին ելույթ կունենա Անջելիկ Կիջոն, ով համարվում է Աֆրիկյան մայրցամաքի Սելին Դիոնը, Զազը։ Ի դեպ, համերգը բաց է լինելու բոլորի համար։ Աղբյուրը՝ Panorama.am