Հայտնաբերվել են մարդկությանը հայտնի հնագույն հացի մնացորդները

Հորդանանում իրականացվող հնագիտական պեղումների ժամանակ Կոպենհագենի համալսարանի գիտնականները հայտնաբերել են հացի ածխացած մնացորդներ։ Սննդամթերքի մնացորդները հայտնաբերվել են օվալաձև քարե կառույցի տարածքում, որի կենտրոնական հատվածն իրենից ջեռոց է ներկայացնում։ Այն կառուցել են մ.թ.ա. 12.5-9.5 հազար թվականներին ապրած մարդիկ: Գտածոյի տարիքը գնահատվում է ավելի քան 14 000 տարի, ինչն այն դարձնում է ամենահին պատմական վկայությունը հաց թխելու մշակույթի գոյության մասին: Ավելի վաղ կարծիք կար, որ մարդիկ հաց թխել սկսել են գյուղատնտեսության զարգացմանը զուգահեռ, որն ավելի ուշ է տեղի ունեցել: Ըստ գիտնականների՝ մարդիկ սկսել են հաց թխել գյուղատնտեսական մշակույթի առաջացումից առնվազն 4000 տարի առաջ: Աղբյուրը՝ Tert.am