Դարպասապահ Մարկ Գրիգորյանը կարիերան կշարունակի Բուլղարիայում

Հայաստանի երիտասարդական հավաքականի դարպասապահ Մարկ Գրիգորյանը կարիերան կշարունակի Բուլղարիայում և, ամենայն հավանականությամբ, հանդես կգա «Ցարսկո Սելո» թիմում: Սոֆիայի ակումբը գլխավորում է Բուլղարիայի երկրորդ դիվիզիոնի առաջնության մրցաշարային աղյուսակը: Մարկ Գրիգորյանը հանդես է եկել Ավստրիայի 6-րդ դիվիզիոնում հանդես եկող «Էսլինգ» ակումբում, Ավստրիայի առաջնության Ռեգիոնալ լիգայում հանդես եկող «Շտադլաու» ակումբում, ինչպես նաև Վիեննայի առաջնությունում հանդես եկող «Դոնաուֆելդ» ակումբի պատանեկան թիմում: Հայաստանի տարբեր տարիքային հավաքականների կազմում Մարկ Գրիգորյանը ընդհանուր առմամբ մասնակցել է 4 հանդիպման, և այդ բոլոր խաղերում մեր երկրի թիմը 0:4 հաշվով պարտություն է կրել: Աղբյուրը՝ Armsport.am