Հայաստանի ամերիկյան համալսարանն առաջին անգամ ընդունեց բակալավրիատի առաջին կուրսեցիներին

«Ինձ համար կարևոր է, որ այս համալսարանը դարձավ անգլերեն լեզվի տարածման, ուսուցման լավագույն կենտրոն»,- նորամուտի արարողության ժամանակ հայտարարեց սփյուռքի նախարար Հրանուշ Հակոբյանը:

 

Արարողությանը մասնակցեցին և առաջին կուրսեցիներին շնորհավորեցին նաև համալսարանի դասարանապրոֆեսորական անձնակազմը:

 

Տիկին Հակոբյանը նաև նշեց, որ Ամերիկյան համալսարանը անկախության տարիներին Հայաստանի լավագույն ձեռքբերումներից է. «Այս համալսարանն էր, որ սկսեց հայագիտական հետազոտությունների կատարումը: Բայց որպես սփյուռքի նախարար՝ ես առավել համալսարանը կարևորում եմ, որ այն հիմնականում հիմնված է մեր սփյուռքահայ կառույցների կազմակերպությունների ֆինանսական օգնության և աջակցության վրա, և այսօր ես ուզում եմ շնորհակալություն հայտնել «Հայկական բարեգործական ընդհանուր միությանը»:

 

Միջոցառման վերջում տեղի ունեցավ առաջին կուրսեցիների երդման արարողությունը, որից հետո էլ տեղի ունեցավ հյուրասիրություն:

 

Աղբյուրը` aravot.am