Ովքեր են սամբոյի Հայաստանի չեմպիոնուհիները

Ավարտվել է կանանց և աղջիկների Հայաստանի առաջնությունը, որը կայացել է Երևանի սամբոյի մանկապատանեկան մարզադպրոցում։ Կանանց պայքարում 48կգ քաշային կարգում հաղթող է դարձել Ասյա Լալազարյանը, իսկ 80+կգ քաշային կարգում՝ Աննա Մկրտչանը։ Երիտասարդների պայքարում հաղթողներ են դարձել Իռենա Պետրոսյանը (52 կգ), Ռուզան Սարգսյանը (56 կգ) և Նելլի Ավետիսյանը (72 կգ)։ Աղջիկների պայքարում հաղթողներ են դարձել Մելինե Մամիկոնյանը (48 կգ), Նունե Նազարյանը (52 կգ), Վարսիկ Գրիգորյանը (56 կգ), Գայանե Պետիկյանը (65 կգ) և Աննա Ղազարյանը (75 կգ)։ Այսպիսով,վերջնականապես ձևավորվել է հավաքականի կազմը, որը ապրիլի 12-14-ը Չեխիայի մայրաքաղաք Պրահայում կմասնակցի Եվրոպայի առաջնությանը։ Նշենք նաև, որ մինչ այդ հավաքականը երկու ուսումնամարզական հավաք կանցկացնի Աբովյանում։ Աղբյուրը՝ Mamul.am