Ռոջեր Ֆեդերերը՝ ամենատարեց առաջին ռակետ

Պրոֆեսիոնալ թենիսիստների ասոցիացիան (ATP) փետրվարի 19-ին հրապարակել է վարկանիշային թարմացված աղյուսակը։ Ռոջեր Ֆեդերերը 5.5 տարվա ընդմիջումից հետո կրկին գլխավորում է թենիսի համաշխարհային դասակարգումը։ Ֆեդերերը ATP-ի դասակարգումն առաջին անգամ գլխավորել է 2004 թվականի փետրվարի 2-ին։ Նախորդ անգամ նա առաջին ռակետ եղել էր 5.5 տարի առաջ՝ 2012 թվականի հոկտեմբերի 4-ին։ Մինչև այս ոչ մի թենիսիստի չէր հաջողվել ATP-ն դարձյալ գլխավորել այդպիսի մեծ ընդմիջումից հետո։ Անդրե Աղասիին դա անել հաջողվել էր 3 տարի 142 օր անց։ Ռոտերդամում նախօրեին ավարտված ATP շարքի մրցաշարի հաղթողի տիտղոսը նվաճելուց հետո 36-ամյա Ֆեդերերը շրջանցել է իսպանացի Ռաֆայել Նադալին և դարձել պատմության ամենատարեց առաջին ռակետը։ Նա գերազանցեց ամերիկահայ Անդրե Աղասիի ռեկորդը (33 տարեկան, 133 օրական): Շվեյցարացի թենիսիստը նաև կթարմացնի ATP-ի վարկանիշային աղյուսակի առաջին տեղում գտնվելու սեփական ռեկորդը՝ այն հասցնելով նվազագույնը 304 շաբաթ։ Ֆեդերերն առաջին տեղում կմնա նվազագույնը մինչև Ինդիան Ուելսի մրցաշարը։ Աղբյուրը՝ Sport.news.am