Թատրոնների տնօրեննրը ներկայացրել են աշնանային թատերաշրջանի ծրագրերը

Գ. Սունդուկյանի անվան ազգային ակադեմիական թատրոնի տնօրեն Ստեփան Դավթյանի ներկայացմամբ, սեպտեմբերի 10-ից մեկնարկող թատերաշրջանին հանդես կգան ինչպես խաղացանկային ներկայացումներով, այնպես էլ նոր բեմադրություններով: Հոկտեմբերին նախատեսվում է երկու նոր ներկայացումների առաջնախաղ: Թատրոնը նաև նախատեսում է Պ. Զեյթունցյանի «100 տարի անց» ներկայացմամբ հյուրախաղով հանդես գալ Արցախում:

 

Ծավալուն բեմադրական փորձեր է սկսում Մնջախաղի պետական թատրոնը : Շարունակվելու են «Կարինե» օպերետի բեմադրական փորձերը Հ. Պարոնյանի անվան երաժշտական կոմեդիայի պետական թատրոնում, որտեղ աշնանը նախատեսվում է նաև «Սիրո երգիչը» օպերետի բեմադրական աշխատանքների իրականացումը: Ընդ որում վերոնշյալ ներկայացումներից 7-ը իրականացվում են պետական աջակցությամբ:

 

Ընդհանուր առմամբ, պետական աջակցությամբ 2013 թ. իրականացվել և իրականացվում են ավելի քան 22 թատերական ծրագրեր ու նախագծեր:

 

«Հայֆեստ» և «Կին» միջազգային կինո փառատոների անցկացմամբ պայմանավորված ՝ հոկտեմբեր-նոյեմբեր ամիսներին ծանրաբեռնված աշխատելու են Կ. Ստանիսլավսկու անվան ռուսական պետական դրամատիկական և Հովհ. Թումանյանի անվան տիկնիկային պետական թատրոնների դահլիճները:

 

Աղբյուրը` panorama.am