Խոնարհվում ենք քո առջև, հայ զինվոր

Դու խիզախ ես, անվախ, հպարտ ու գիտուն: Դու մեր այսօրվա սահմանն ես, վաղվա` երկրի տերը: Այս դժվար օրերին դու կանգնեցիր ոխերիմ ու անարգ թշնամու առաջ, կանգնեցիր անսասան, հպարտ ու աներկբա: Քո կողքին են ավագ ընկերդ, դասախոսդ ու ուսուցիչդ, հայրդ ու հորեղբայրդ: Մենք միասին ենք, մենք հզոր ենք, մենք պայքարում ենք և չենք զիջելու: Հավերժ հիշատակ քեզ, սուրբ նահատակ: Հենց այս խոսքերով էլ շնորհավորեցին հաղթանակած բանակի 26-ամյակը Վանաձորի ծովակալ Իսակովի անվան թիվ 23 հիմնական դպրոցի 7 -րդ «Ա» դասարանը (դասղեկ Հ. Լոռյան), աշակերտները հենց իրենք էին մեկնել Վանաձորում տեղակայված զորամաս, իրենց հոգու ողջ ջերմությունն ու անուշահամ պահածոները, քաղցրավենիքն ու հույզերը անձամբ հղելու քաջ զինվորներին: Զորամասի հրամանատարական և սպայական անձնակազմը ջերմ ընդունելության արժանացրեց աշակերտներին, զորամասի ողջ տարածքով շրջելով և հանգամանալից պատասխանելով աշակերտների հարցերին: Երանի հիմա ու հենց այս պահին Ոչ մի կրակոց չլսվի սահմանին Ժամանակն անցնի հանգիստ ու խախանդ Ինչպես հոսում են գետերը մարմանդ...