Իր ժամանակից առաջ անցած բանաստեղծը

Հունվարի 24-26-ը Սևանի Մեսրոպ Մաշտոցի անվան N1 հիմնական դպրոցի 5-9-րդ դասարաններում մայրենիի ու գրականության ուսուցիչներն իրենց պարապած դասարաններում անկացրին միջոցառումներ` նվիրված Պ. Սևակի ծննդյան օրվան: Միջոցառումների նպատակը հանճարեղ բանաստեղծի, գրականագետի ու խիզախ քաղաքացու դիմանկարի բացահայտումն էր, նրա ինքնատիպ պոեզիայի հետ հաղորդակցվելն ու նրա անցած ուղու գնահատումը: Պ. Սևակի մանկության ու հասունության տարիների հուշերն ու լուսանկարները, աշակերտների ասմունքն ու ուսուցիչների հուզիչ, ջերմ ու վարակիչ խոսքը սևակյան յուրատեսակ ոգեկոչում ձևավորեցին: Աշակերտներն իմացան այն կարևորը, որ հայ բանաստեղծության տաղանդավոր ներկայացուցիչ Պ. Սևակն այսօր էլ ընկերն ու խորհրդատուն է բոլոր նրանց, ովքեր ճշմարիտ ու ազնիվ ճանապարհով են ընթանում իրենց կյանքի ուղին և իսկական ու մնայուն արվեստի ու գրականության ջատագովներ են: Գ. Պետրոսյան հ.լեզվի և գրականության մ/մ նախագահ