Երիտասարդները՝ հանուն տարածաշրջանում փոխադարձ կապի պահպանման և համագործակցության

Տիկին Ղազանչյանի խոսքով ծրագիրը իրականացվելու է 4 երկրներում՝ Հայաստանում, Վրաստանում, Բուլղարիայում և Թուրքիայում: Կազմակերպվելու են կլոր սեղաններ, որոնք հնարավորություն են տալու երիտասարդներին խորհել իրենց երկրի մշակութային ժառանգության շուրջ: Երիտասարդները իրենց մտքերը կկիսեն Սևծովյան ավազանի երկրների արժեքների և մշակութային զանազանության վերաբերյալ և կքննարկեն, թե ինչը կարող է հիմք հանդիսանալ կայուն համագործակցության և զարգացման համար Եվրոպայում: Սա նաև կնպաստի այս 4 երկրների երիտասարդների միջև հարաբերությունների զարգացմանը՝ նրանց կրթություն տրամադրելով ԵՄ հիմնական արժեքների վերաբերյալ:

 

 «30 հայ պատանիներ՝ 16-22 տարեկան, որոնք եկել են տարբեր գյուղերից, մասնակցելու են ծրագրին և մեկնելու են 4 երկրները: Մշակութային ժառանգությունը հայերի համար շատ ցավոտ և կարևոր թեմա է: Երեխաները մեծ ցանկություն ունեն մեր մշակութային արժեքների վրա հիմնված քննարկումների մասնակցել: Քննարկումները կտևեն մինչև սեպտեմբերի 1-ը»,- ասել է Ա.Ղազանչյանը:

 

 «Երիտասարդները՝ հանուն տարածաշրջանում փոխադարձ կապի պահպանման և համագործակցության» ծրագրի ընդհանուր նպատակն է՝ աջակցել տարածաշրջանում ընդհանուր արժեքների և Եվրոպայի հարուստ մշակութային բազմազանությանը համախոհ և այն գնահատող մշակութային միջավայրի շուրջ համագործակցության և գործընկերության հաստատմանը: Ծրագրին 12 ամիս շարունակ կմասնակցեն ավելի քան 2300 երիտասարդներ գործընկեր երկրների քաղաքաբնակ և գյուղաբնակ վայրերից: 

 

Աղբյուրը` aravot.am