Հելոուինը՝ Սպիտակ տանը

Այսօր աշխարհի բազմաթիվ երկրներում միլիոնավոր մարդիկ նշում են Բոլոր սրբերի տոնը կամ Հելոուինը, ինչը ենթադրում է տարօրինակ դիմահարդարում, արտասովոր հանդերձներ, ինչպես նաև տան թեմատիկ ձևավորում: Այս առիթով ահռելի սարդոստայնով ու սարդերով է «պատվել» ԱՄՆ նախագահի պաշտոնական նստավայրը: Սպիտակ տան դիզայներական այսպիսի ձևավորումը այն նմանեցրել է սարսափ ֆիլմերին բնորոշ խորհրդավոր առանձնատան: Հայտնի է, որ այսօր ԱՄՆ նախագահն ու առաջին տիկինը կմասնակցեն հելոուինյան միջոցառման, Սպիտակ տանը կհյուրընկալեն դպրոցականներին ու նրանց քաղցրավենիք կբաժանեն: Նշենք նաև, որ նախօրեին Թրամփն իր աշխատասենյակում հանդիպել էր Սպիտակ տան մամուլի ծառայության աշխատակիցների երեխաներին: Աղբյուրը՝ Tert.am