Հնարավոր է` որոշ մարզային բուհեր միավորվեն

Ըստ ԿԳ նախարարության հասարակայնության հետ կապերի վարչության պետ Արթուր Բաղդասարյանի` բուհերի միավորման նախագիծը շրջանառության մեջ է դրվել նախարարության կողմից և քննարկվել համապատասխան բուհերի ղեկավարների հետ, ինչ վերաբերում է գործընթացն սկսելու ժամկետներին` սահմանված կարգով կառավարության համապատասխան որոշում պետք է լինի:

 

ՎՊՄԻ-ի ռեկտոր Գուրգեն Խաչատրյանի վերաբերմունքը, իր խոսքով, «ավելի քան դրական» է, և նա «ավելի քան իրատեսական» է համարում այդ գաղափարը հետևյալ պատճառաբանությամբ. «Մի կետից կառավարման, տարբեր համալսարան ունենալու խնդիրը նոր չէ, երևի արդեն մոտ երկու տասնամյակ է, եթե ոչ ավելի, այդ հարցը քննարկվում է տարբեր ատյաններում: Դա մեր հեռանկարի համար, առհասարակ մարզի հեռանկարի համար առաջնահերթ է. մենք մասնագետներ թողարկելու խնդիր ունենք»:

 

ՀՊՃՀ Վանաձորի մասնաճյուղի ղեկավարությունը բուհերի միավորման գաղափարն անիրատեսական է համարում: Բուհերի խոշորացումը, ըստ նրանց, բնական գործընթաց է, և դրանք կարելի է միավորել կրթության մակարդակը բարելավելու համար, բայց մեխանիկական միացումով այդ խնդրի լուծումը մեծ դժվարությունների առաջ կկանգնեցի: 

 

Աղբյուրը` 1in.am