Գիտելիքի, գրի և դպրության տոն Լճաշենի միջնակարգ դպրոցում

Գիտելիքի, գրի և դպրության տոնը պայծառ տրամադրություն էր ստեղծել Լճաշենի միջնակարգ դպրոցում: Հանդիսավոր միջոցառումն սկսվեց <<Մեր հայրենիքը>> օրհներգի կատարմամբ, բարձրացավ հայոց եռագույնը: Դպրոցի տնօրեն Աիդա Մուրադյանը շնորհավորեց դպրոցականներին, ուսուցիչներին և հյուրերին,առանձնակի ջերմությամբ շնորհավորեց 1-ին դասարանցիներին, նրանց մաղթեց բարի դպրոցամուտ, իսկ դպրոցականներին և ուսուցիչներին՝ ամուր առողջություն, գիտելիքների նկատմամբ անսպառ եռանդ , համառ, տոկուն աշխատանք և ուսումնառության նոր,բեղմնավոր տարի: Հանդիսավոր հնչեց կրթօջախի սաների երդումը: Շնորհավորանքի խոսք ասաց Լճաշեն համայնքի ղեկավար Կորյուն Մարգարյանը: 1-ին դասարանցիներին շնորհավորեցին և գեղեցիկ անակնկալ մատուցեցին համայնքի ղեկավար Կ. Մարգարյանը և դպրոցի բարեկամ, բարերար Վահագն Մանուկյանը՝ նրանց նվիրելով գրենական պիտույքներով լի պայուսակները: Աշակերտները կատարեցին <<Սեպտեմբերի 1>>,<<Ուսուցիչ>>,<<Փոքրերի աշխարհ>> երգերը : Ուսման առաջամարտիկներին շնորհավորեց և գովասանագրերով պարգևատրեց դպրոցի տնօրեն Ա. Մուրադյանը : 12-րդ դասարանի աշակերտները 1-ին դասարանի աշակերտներին նվիրեցին <<Գիտության ոսկե բանալին>> և ուղեկցեցին ՝ ազդարարելով դպրոցամուտը: Դպրոցի տնօրենի` մասնագիտացված կրթական աջակցությունների գծով տեղակալ` Ն.Դավթյան