Հայտնի են 2017-2018 ուսումնական տարվա արձակուրդների օրերը

ՀՀ կրթության և գիտության նախարարի հրամանով սահմանվել են 2017-2018 ուսումնական տարվա արձակուրդները։ Հրամանաի համաձայն՝ 3-12-րդ դասարանցիներին աշնանային արձակուրդներ կտրվեն 2017թ. հոկտեմբերի 30-ից նոյեմբերի 5-ը ներառյալ, ձմեռային արձակուրդներ՝ 2017թ. դեկտեմբերի 25-ից 2018թ. հունվարի 7-ը ներառյալ, գարնանային արձակուրդներ՝ 2018թ. մարտի 26-ից ապրիլի 1-ը ներառյալ: Առաջին դասարանցիներին աշնանային արձակուրդները կտրվեն 2017թ. հոկտեմբերի 23-ից նոյեմբերի 5-ը ներառյալ, ձմեռայինը՝ 2017թ. դեկտեմբերի 25-ից 2018թ. հունվարի 21-ը ներառյալ, գարնանայինը՝ 2018թ. մարտի 19-ից ապրիլի 1-ը ներառյալ: Երկրորդ դասարանցիներին աշնանային արձակուրդները կտրվեն 2017թ. հոկտեմբերի 30-ից նոյեմբերի 5-ը ներառյալ, ձմեռայինը՝ 2017թ. դեկտեմբերի 25-ից 2018թ. հունվարի 21-ը ներառյալ և գարնանայինը՝ 2018թ. մարտի 26-ից ապրիլի 1-ը ներառյալ: Ըստ հրամանի՝ 2017-2018 թվականների ուսումնական տարվա պարապմունքները սկսվում են 2017թ. սեպտեմբերի 1-ին, ավարտվում 2018թ. մայիսի 25-ին՝ 5-օրյա աշխատանքային շաբաթվա դեպքում, իսկ 6-օրյա աշխատանքային շաբաթվա դեպքում ավարտվում են մայիսի 26-ին՝ ապահովելով առնվազն 30 ուսումնական շաբաթ առաջին դասարանների համար, 32 ուսումնական շաբաթ՝ երկրորդ և 34 ուսումնական շաբաթ՝ երրորդից տասներկուերորդ դասարանների համար: Աղբյուրը՝ Panorama.am