Մելբուրնը՝ լավագույն քաղաք

Ավստրալական Մելբուրն քաղաքը յոթերորդ տարին անընդմեջ ճանաչվել է կյանքի համար լավագույն քաղաք՝ Economist Intelligence Unit-ի կազմած ամենամյա վարկանիշային աղյուսակում հավաքելով հնարավոր 100 միավորից 97.5-ը: 2017 թվականին վարկանիշային աղյուսակի երկրորդ հորիոզանականը զբաղեցրել է Վիեննան (97.4 միավոր), երրորդը՝ Կանադայի Վանքուվեր քաղաքը (97.3 միավոր)։ Առաջին տասնյակում ներառված են նաև Տորոնտոն (չորորրդ հորիզոնական), Քալգարին (հինգերորդ հորիզոնական) և ավստրալական երեք քաղաք (վեցերորդ հորիզոնականում Ադելաիդան է, յոթերորդում՝ Պերթը)։ Վերջին տարում վարկանիշային աղյուսակում առաջընթաց է գրանցել Իսլանդիայի մայրաքաղաք Ռեյկյավիկը՝ բարձրանալով միանգամից 13 հորիզոնականով (50-րդից՝ 37-ը)։ Ահաբեկչությունների հետևանքով վարկանիշային աղյուսակում կորցրել են իրենց դիրքերը Մանչեսթերն ու Ստոկհոլմը։ Վարկանիշային աղյուսակը կազմելու համար հետազոտողներն ուսումնասիրել են մոլորակի 140 քաղաք, իսկ դրանցում կյանքի հարմարավետությունը գնահատվում է ըստ մի քանի պարամետրերի՝ անվտանգություն, առողջապահություն, մշակույթ, շրջակա միջավայրի պաշտպանություն, կրթություն և ենթակառուցվածքներ։ Աղբյուրը՝ News.am