«Աղետների ժամանակ առաջին բուժօգնության ցուցաբերում. արյունահոսություն». հատուկ դաս Dasaran-ում

Աղետների ռիսկերի նվազեցման ծրագրի շրջանակում այսօր Dasaran կրթական կենտրոնում անցկացվեց «Աղետների ժամանակ առաջին բուժօգնության ցուցաբերում. արյունահոսություն» թեմայով հատուկ դասընթացը, որը վարում էր «Սպարտա» գոյատևման կենտրոն» հասարակական կազմակերպության նախագահ, «Անվտանգության, ապահովության և գոյատևման» դասընթացի վարող, «Աղետների ռիսկերի նվազեցման» փորձագետ Սպարտակ Հովհաննիսյանը: Դասընթացին մասնակցում էին Տավուշի մարզի Զորական և Բերդավան գյուղերի դպրոցների աշակերտները: Դպրոցականների այցը կազմակերպվել էր «Հայաստանի մանուկներ հիմնադրամ»-ի (COAF) աջակցությամբ:

Արյունահոսության դեպքում առաջին բուժօգնության ցուցաբերման մասին հստակ գիտելիքների ձեռքբերումը և դրանց ճիշտ կիրառումը կարող է կենսական նշանակություն ունենալ աշակերտների համար ոչ միայն աղետների ժամանակ, այլ նաև բազմաթիվ արտակարգ իրավիճակներում, որոնք կարող են ստեղծվել տարբեր միջոցառումների իրականացման ընթացքում:

Ծրագիրն իրականցվում է Համաշխարհային բանկի, Dasaran-ի, Հայաստանի Հանրապետության Արտակարգ իրավիճակների նախարարության և ՀՀ ԱԻՆ Ճգնաժամային կառավարման պետական ակադեմիայի միջև համագործակցության շրջանակում: