Մարզական «Սպորտլանիա» խաղ-մրցույթը

Այսօր առավել քան տոնական և մարզական կեցվածք ունեն Ջերմուկի Մաքսիմ Գորկու անվան թիվ 1 հիմանական դպրոցի տարրական օղակի սաները: Ահա նրանք արդեն մարզադահլիճում են և շարքեր կազմած սպասում են հրահանգների: Նախ հնչում են ողջույնի և խմբերի բաժանվելու հրահանգները: 6-րդ դասարանի աշակերտ Գագիկ Գևորգյանի հետ կրկնելով՝ խրոխտ հնչում է խաղ-մրցույթի նշանաբանը, որ ամենքը ազնիվ ու շիտակ խաղ կցուցադրեն և անշուշտ-անշուշտ հաղթանակ կտանեն: «Արևիկ», «Գարուն» և «Ծիածան» խմբերը սկսեցին մրցույթային խաղերը: Կրտսեր դպրոցականները զարմանալիորեն ճկուն և համագործակցային խաղ ցուցադրեցին: Րոպեները սահեցին աննկատ, մրցեցին նաև թիմերի ավագները: Խմբերի բոլոր սաներն էլ արժանացան խրախուսագրերի և պատվոգրերի: Անշուշտ, կարևոր էին այս մրցանակները, բայց նաև էական էր այն փաստը, որ նրանցից յուրաքանչյուրը տուն տարավ ոգևորության և ուրախությունների մի առանձնահատուկ շարան: Մրցույթից հետո շատ-շատ դպրոցականներ արդեն սպասում են, թե երբ կկրկնվի Սպորտլանիայի նոր մեկնարկը: Սա արդեն խաղի ամենամեծ արժեքն ու ձեռքբերումն է: Իսկ նոր հանդիպումը չի ուշանա: Վստահում ենք երեխաներին ու ասում, որ մարզական խաղը մի տեսանելի, լուսավոր շող էր ներառում իր մեջ, իսկ այդ լույսը մեր դպրոցականներին շատ անհրաժեշտ է… Տարրական մասնախմբի ղեկավար՝ Մ. Գրիգորյան