Հայաստանի ընտրանին դարձել է փոխչեմպիոն

Առաջնության վերջին տուրում Հայաստանի հավաքականը 2.5-1.5 հաշվով առավելության է հասել Ավստրիայի նկատմամբ. Արտաշես Մինասյանը հաղթանակ է տոնել, իսկ մյուս պարտիաներն ավարտվել են ոչ-ոքի արդյունքով: Շախմատի աշխարհի վետերանների թիմային առաջնության չեմպիոնի կոչումը նվաճել է 18  միավոր վաստակած Ռուսաստանի հավաքականը, իսկ լավագույն եռյակը եզրափակել է Անգլիայի առաջին հավաքականը՝ վաստակելով 14 միավոր:

Մեր թիմի անդամներն արժանացել են նաև անհատական մեդալների.  Ռաֆայել Վահանյանը, Արտաշես Մինասյանը և Սերգեյ Գալդունցը նվաճել են արծաթե մեդալներ: Նշենք, որ առաջնությունն անցկացվում  էր երկու տարիքային խմբերում` 50-ից բարձր և 65-ից բարձր: Հայաստանի հավաքականը մասնակցում էր 50-ից բարձր տարիքային խմբի մրցաշարին:

Աղբյուրը՝ Chessfed.am