Մրցույթ՝ Հորդանանում սովորելու համար

Educational 2013-06-29

ՀՀ ԿԳ նախարարությունը տեղեկացնում է, որ հայտարարվում է մրցույթ` 2013-2014 ուսումնական տարում Հորդանանի Հաշիմյան Թագավորության բարձրագույն ուսումնական հաստատություններում «Արաբերեն լեզու», «Իսլամագիտություն», «Հնեաբանություն» և «Տեղեկատվական տեխնոլոգիաներ» մասնագիտություններով մագիստրոսական և ասպիրանտական (5 կրթաթոշակ) կրթություն ստանալու համար:

Մրցույթին կարող են մասնակցել արաբերեն լեզվին տիրապետող բակալավրի կամ մագիստրոսի կրթական աստիճան ունեցող կամ ավարտական կուրսերում սովորող ՀՀ քաղաքացիները:

Ուսուցումը իրականացվելու է արաբերեն լեզվով:

Կրթաթոշակներին հավակնող դիմորդները պետք է ներկայացնեն՝

• դիմում՝ մրցույթին մասնակցելու համար, որում պետք է նշվի նախընտրած մասնագիտությունը,

• դիմում-հարցաթերթիկ,

• հորդանանյան կողմից ներկայացված հարցաթերթիկը,

• ինքնակենսագրություն (CV) (անգլերեն),

• դիպլոմի և միջուկի պատճենները, իսկ ավարտական կուրսում սովորողները՝ առաջադիմության թերթիկ (ակադեմիական տեղեկանք) նոտարի կողմից անգլերեն թարգմանված:

• անձնագրի պատճեն,

• անգլերեն լեզվով բժշկական տեղեկանք (հավելված),

• 3x4 չափի 4 լուսանկար,

• արական սեռի անձինք՝ զինգրքույկի պատճենը, դրան փոխարինող կցագրման վկայականը կամ զորակոչային տեղամասից համապատասխան տեղեկանք:

Հետբուհական կրթության համար դիմորդները ներկայացնում են նաև.

• ռեֆերատ՝ հայերեն լեզվով,

• օտար լեզվի իմացությունը հաստատող վկայական և ստուգարքային թերթիկ համակարգչից օգտվելու հմտությունների վերաբերյալ` ՀՀ ԿԳ նախարարի 30.11.2012 N 1093-Ա/Ք հրամանով հաստատված անցումային շեմերին համապատասխան:

Պահանջվող փաստաթղթերի փաթեթը պետք է ներկայացնել 3 օրինակով (փաթեթ + 2 պատճեն):

Մրցույթn անցկացվում է.

• Մագիստրոսի կրթական ծրագրով՝ համաձայն Հայաստանի Հանրապետության բարձրագույն ուսումնական հաստատություններում մագիստրատուրայի ընդունելության և ուսուցման կարգի:

• Ասպիրանտուրայի կրթական ծրագրերով՝ համաձայն Հայաստանի Հանրապետությունում ասպիրանտուրայի ընդունելության կարգի:

Փաստաթղթերի ընդունման վերջնաժամկետն է` 15.07.2013թ. (ներառյալ):

Ասպիրանտուրայի մրցույթը տեղի կունենա ս.թ. հունիսի 17-ից 20-ն ընկած ժամանակահատվածում:

Մրցույթին մասնակցել ցանկացողները լրացուցիչ տեղեկությունների համար կարող են դիմել ՀՀ ԿԳՆ աշխատակազմի արտաքին կապերի և սփյուռքի վարչություն (ք. Երևան, Կառավարության 3 շենք, VI հարկ, 619 սենյակ, հեռ.` 56-23-64):

Աղբյուրը՝ edu.am

Մրցույթ՝ Հորդանանում սովորելու համար

Similar news...