Հայաստանի շախմատի վետերանները հաղթանակով մեկնարկել են աշխարհի թիմային առաջնությունում

Հայաստանի հավաքականի կազմում հանդես են գալիս հայկական շախմատի լեգենդ Ռաֆայել Վահանյանը, կրկնակի Օլիմպիական չեմպիոն Արտաշես Մինասյանը, գրոսմայստերներ Կարեն Մովսիսյանը, Սերգեյ Գալդունցը և միջազգային վարպետ Նորայր Քալանթարյանը:

Վետերանների թիմային առաջնության 1-ին տուրում մերոնք 3․5-0․5 հաշվով հաղթել են Հունաստանի հավաքականին։ Ռաֆայել Վահանյանը, Արտաշես Մինասյանը և Կարեն Մովսիսյանը հաղթանակներ են տոնել, իսկ Սերգեյ Գալդունցն իր պարտիան ավարտել է ոչ-ոքի արդյունքով:

Մրցաշարին մասնակցում են Անգլիայի և Ռուսաստանի ուժեղ հավաքականները, որոնք համապատասխանաբար գլխավորում են  աշխարհի չեմպիոնի կոչման նախկին հավակնորդ Նայջել Շորտը և ՖԻԴԵ-ի վարկածով աշխարհի նախկին չեմպիոն Ալեքսանդր Խալիֆմանը: Մրցող թիմերը 22-ն են։

Աղբյուրը՝ Chessfed.am