Հայ-բելառուսական համագործակցություն կրթության ոլորտում

Հուշագիրը ստորագրել են ՀՀ ԿԳՆ արտաքին կապերի և սփյուռքի վարչության պետ Արթուր Ղազարյանը և Բելառուսի Հանրապետության կրթության նախարարության միջազգային կապերի վարչության պետ Վլադիմիր Շապուրովը: Հուշագրի համաձայն` կողմերը կհամագործակցեն շնորհալի երեխաների հետ աշխատանքի և օլիմպիական շարժման զարգացման, Բելառուսում կազմակերպվող առարկայական հեռավար օլիմպիադաներին ՀՀ աշակերտների մասնակցության գործում:

Կողմերը նաև կաջակցեն հանրակրթական, միջին և բարձրագույն ուսումնական հաստատությունների միջև կապերի հաստատման գործընթացին, գիտական հաստատություններում մագիստրոսների, ասպիրանտների և գիտնականների համար անհրաժեշտ պայմանների ստեղծմանը, կապահովեն միջազգային ցուցահանդեսներին, էքսպոներին և այլ կրթական միջոցառումներին երկու երկրների գերատեսչությունների մասնակցությունը:

Հուշագրի համաձայն՝ կողմերը կաջակցեն համատեղ կրթական կառույցների ստեղծման և երկու երկրների բուհերի մասնաճյուղերի բացման գործին, կիրականացնեն մասնագետների փոխանակում, համատեղ հետաքրքրություն ներկայացնող ծրագրեր, ինչպես նաև կնպաստեն երկու երկրների ուսանողների համար բարենպաստ պայմաններ ստեղծելու գործին:

Աղբյուրը՝ Edu.am