Արսեն Գրիգորյանը՝ թաեքվոնդոյի միջազգային մրցաշարի հաղթող

87 կգ քաշային Արսեն Գրիգորյանը, ում անձնական մարզիչն է Եվրոպայի չեմպիոն Արման Երեմյանը, դարձել է մրցաշարի հաղթող: 68 կգ քաշային կարգում Սերգեյ Վարդազարյանը դարձել է բրոնզե մեդալակիր: Թիմային հաշվարկով Հայաստանը գրավել է 4-րդ տեղը, իսկ երկրների հաշվարկով՝ 3-րդ տեղը:

Ազգային հավաքականի կազմում հանդես են եկել նաև Ալբերտ Հովհաննիսյանը, Գարեգին Մախմուրյանը (58 կգ), Հենրիխ Բադալյանը (68 կգ) և Դավիթ Վարդումյանը (74 կգ): Իրանում Հայաստանի հավաքականը հանդես է եկել գլխավոր մարզիչ Գևորգ Դանիելյանի ղեկավարությամբ:

Պատվիրակությունը գլխավորել է Հայաստանի թաեքվոնդոյի ֆեդերացիայի փոխնախագահ և գործադիր տնօրեն Վարդան Ղահրամանյանը: Մրցաշարին ընդհանուր առմամբ մասնակցել է 19 երկրի 26 թիմ:

Աղբյուրը՝ Tert.am