Համաձայնագիր` Հայաստանի և Հորդանանի միջև

Նախարար Արմեն Աշոտյանը վարչապետին ներկայացրել է Լեռնային Ղարաբաղի հիմնախնդրի հետ կապված վերջին զարգացումները և հայ-թուրքական հարաբերությունների հետ կապված հարցեր:Պաշտոնական այցի շրջանակում պատվիրակությունը հանդիպել է նաև Հորդանանի Հաշիմյան Թագավորության բարձրագույն կրթության և գիտական հետազոտությունների նախարար Ամին Մահմուդի հետ, որի ընթացքում կողմերը պայմանավորվածություն են ձեռք բերել այս ուսումնական տարվանից իրականացել կրթաթոշակային ծրագրեր, մասնավորապես, հայ ուսանողները հնարավորություն կունենան խորացնել իրենց գիտելիքները արաբագիտության, իսլամագիտության և ՏՀՏ ոլորտներում, իսկ հորդանանյան կողմին հետաքրքրել են բժշկագիտության, ճարտարապետության, դիզայնի և ՏՀՏ ոլորտներում կրթության հնարավորությունները Հայաստանում: 

 

Հանդիպման ընթացքում ստորագրվել է նաև ՀՀ կառավարության և Հորդանանի Հաշիմյան Թագավորության կառավարության միջև կրթության և գիտության բնագավառներում համագործակցության մասին համաձայնագիր, համաձայն որի` կողմերը կնպաստեն իրենց երկրների միջնակարգ, միջին և բարձրագույն ուսումնական հաստատությունների, գիտահետազոտական ինստիտուտների միջև անմիջական կապի հաստատմանն ու զարգացմանը, ինչպես նաև կմշակեն և կիրագործեն համատեղ շահերից բխող գիտահետազոտական ծրագրեր և նախագծեր:

 

Աղբյուրը` edu.am