Կմեկնարկի շախմատի Եվրոպայի կանանց անհատական առաջնությունը

Հայաստանը մրցաշարում կներկայացնեն գրոսմայստեր Էլինա Դանիելյանը, միջազգային վարպետներ Լիլիթ Մկրտչյանն ու Լիլիթ Գալոյանը և կանանց միջազգային վարպետ Մարիա Գևորգյանը: Մրցաշարի  1-ին դասակարգվածն է աշխարհի փոխչեմպիոնուհի Աննա Մուզիչուկը: 2-րդ համարն է աշխարհի նախկին չեմպիոնուհի Մարիա Մուզիչուկը:

Մրցաշարին մասնակցելու են 145 շախմատիստուհի, այդ թվում՝ 12 գրոսմայստեր, 31 կանանց գրոսմայստեր, 31 միջազգային վարպետ, 22 կանանց միջազգային վարպետ, 5 ՖԻԴԵ-ի վարպետ և 18 կանանց ՖԻԴԵ-ի վարպետ:

Եվրոպայի շախմատի կանանց անհատական առաջնության գլխավոր մրցավարն է միջազգային կարգի մրցավար Աշոտ Վարդապետյանը: Մրցաշարի արդյունքներով 14 շախմատիստուհի կնվաճի աշխարհի շախմատի  կանանց առաջնության ուղեգիր:

Աղբյուրը՝ Chessfed.am