Բարձրագույն կրթության և հանրակրթության որակի բարելավումը՝ առաջնահերթություն

Նախարարը նշել է, որ բարձրագույն կրթության ոլորտում գերակա խնդիր է դիտարկվում գիտակրթական կլաստերի ստեղծումը, իսկ հանրակրթության ոլորտում՝ կրթական ծրագրերի փոփոխությունը, ինչպես նաև գյուղական փոքր դպորցների հզորացումը: Նախարարը կարևորել է գյուղական փոքր դպրոցների զարգացումն ու հզորացումը, որտեղ առաջնահերթ պետք է դիտարկել հեռավար կրթության հնարավորությունենրի ընդլայնումը, բնական գիտությունների, մաթեմատիկայի և տեխնոլոգիաների կրթության զարգացումը:

Հանրակրթության ոլորտի խնդիրներից նախարարն ընդգծել է ծրագրերի արդիականացման, ուսուցիչների վերապատրաստման, դասագրքերի ստեղծման և բովանդակային բարելավման հարցը, որն էլ ենթադրում է մի շարք համակարգային փոփոխություններ: Հանդիպման ընթացքում կողմերը քննարկել են նաև մի շարք աշխատանքային հարցեր:

Աղբյուրը՝ Edu.am