Սուսերամարտի աշխարհի առաջնությունում Հայաստանի ներկայացուցիչը գրավել է 5-րդ տեղը

 

Էմմա Պողոսովան հաջորդաբար հաղթել է Ավստրալիայի, ԱՄՆ-ի, Եգիպտոսի և Շվեյցարիայի ներկայացուցիչներին, սակայն ութ ուժեղագույնների պայքարում զիջելով մրցակցուհուն՝ բավարարվել է 5-րդ տեղով: Սա անկախ Հայաստանի սուսերամարտի պատմության մեջ լավագույն ձեռքբերումն է:  Մրցումների խմբային փուլում տանելով 5 հաղթանակ` Էմմա Պողոսովան իրավունք է ստացել պայքարը շարունակելու հաջորդ՝ օլիմպիական մրցակարգով ընթացող փուլերում, որտեղ պարտվողը դուրս է մնում հետագա պայքարից:

 

Առաջնությունում մեր երկիրը ներկայացնում են 6 մարզիկ՝ Արմեն Դալլաքյանը և Անահիտ Ալոյանը՝ պատանիների պայքարում, ինչպես նաև էմմմա Պողոսովան, Մայքլ Հովհաննեսյանը, Էդուարդ Օվիկյանը և Ռազմիկ Վարդանյանը՝ երիտասարդների պայքարում: Խոցասուսերակիրներ Էդուարդ Օվիկյանի և Ռազմիկ Վարդանյանի մրցելույթները սկսելու են այսօր: 

 

Աղբյուրը՝ Operativ.am