Նոր գրքեր հայ հերոսուհիների մասին

Երկու գրքերն էլ շուրջ հինգ տարվա ուսումնասիրության արդյունք են: Հեղինակներն ուսումնասիրել են արխիվային փաստաթղթեր, հուշեր, ինչպես նաև Սասունի ապստամբությանը, թաթարական ընդհարումներին և ազատագրական պայքարի գրեթե բոլոր փուլերին մասնակցած հայ հերոսուհիների պատմությունները:

Էդիկ Մինասյանը հիմնականում շեշտել է Հայոց ցեղասպանության ժամանակ ինքնապաշտպանական հերոսամարտերին (Մուսա լեռ, Ուրֆա, Տրապիզոն), ինչպես նաև Հայրենական և Արցախյան պատերազմներին մասնակցած կանանց դերը: Ըստ հեղինակների՝ Արցախյան հերոսամարտերին մասնակցած կանանց շնորհիվ է նաև, որ սրբագրվել է ազատագրական պայքարի այս կարևորագույն էջը:

 «Թեմայի վերաբերյալ այսօր միայն հանրագիտարանային տեղեկություններ են. չկան գիտական ուսումնասիրություններ, համեմատություններ և այլն: Իմ աշխատությամբ փորձել եմ այդ բացը լրացնել, այլ կերպ ասած՝ այն եզակի աշխատանք է, որը ներառում է ստեղծագործությունների շարք՝ հերոս կանանց մասնակցությամբ»,- նշել է Էդիկ Մինասյանը:

 Աղբյուրը՝ Ysu.am