«Միսս դպրոց 2017»

Օրերս Սևանի Մեսրոպ Մաշտոցի անվան N1 հիմնական դպրոցում կրկին տոն էր, տոնական տրամադրություն: Արդեն ավանդույթ է դարձել, որ գարունը և մարտի 8-ը դիմավորեն գեղեցիկ միջոցառումով, որին սպասում են և' ուսուցիչները, և' աշակերտները, և' ծնողները: Միջոցառմանը մասնակցում էին 1-9-րդ դասարանի աշակերտները: Բոլոր դասարաններից ընտրված զույգերը պետք է ցուցադրեին իրենց հմայքը, փայլը, գեղեցիկ ժպիտը, նազելի քայլվածքը: Միջոցառումը բաղկացած էր երեք մասից, որի ընթացքում բոլոր դասարաններից ընտրված զույգերը պետք է հանդես գային սպորտային համազգեստով, պարահանդեսային զգեստով և հայկական տարազով: Միջոցառմանը իրենց ներկայությամբ պատվել էին Գեղարքունիքի մարզի ՀՀԿ կանանց խորհրդի նախագահ Էլեոնորա Մալխասյանը, Գավառի պետական համալասարանի ռեկտոր Ռուզաննա Հակոբյանը, Սևանի արհեստագործական ուսումնարանի տնօրեն Գեղամ Խաչատրյանը: Բոլոր ցուցադրություններն անցնում էին լարված, հետաքրքիր, հաճելի մթնոլորտում: Ցուցադրություններին հաջորդում էին գարնանը և մորը նվիրված երգերը, ասմունքը, հումորը: Ներկաներին հաճելի պահեր պարգևեցին նաև դպրոցի <<ՈՒՀԱ>>-ի <<Սևանցիենր>> թիմի անդամները/ղեկավար` Լ. Ներսիսյան/, <<Սևան>> պարային համույթը /ղեկավար` Ա. Ղարիբյան/: Ժյուրին արդար և անաչառ գտնվեց: Ժյուրիի կազմում էին. դպրոցի տնօրեն` Ա. Նիկողոսյանը, փոխտնօրեններ` Լ. Ներսիսյանը, Մ. Վարդանյանը և մաթեմատիկայի ուսուցչուհի` Ս. Ղուկասյանը: 1-ին մրցանակը ստացան 9-րդ դասարանի աշակերտները: Բոլոր մասնակիցներն էլ ստացան պատվոգրեր և շնորհակալագրեր: Դահլիճում չէին դադարում բարեմաղթանքներն ու ծափահարությունները: Բոլոր ընտանիքներին այս գարունը խինդ ու ծիծաղ, լույս ու հույս, հավատ ու սեր բերի: Սևանի Մեսրոպ Մաշտոցի անվան N1 հիմնական դպրոցի ԴԱԿ` Զարուհի Վարդանյան