Ուսումնական վարժանք Ստեփանավանի N1 հիմնական դպրոցում

2017 թվականի մարտի 6-ին ժամը 11:00-ին , ըստ պլան-ժամանակացույցի, Ստեփանավանի N 1 հիմնական դպրոցում տեղի ունեցավ ուսումնական վարժանք «Խոհանոցում էլեկտրական լարերի կարճ միացումից առաջացած հրդեհի ժամանակ դպրոցի անձնակազմի և աշակերտական կազմի տարհանում» թեմայով: Ժամը 11:15-ին տրվեց ուսումնավարժության մեկնարկ: Ստանալով ահազանգ Ստեփանավանի ՀՓՋ-ից դեպի դեպքի վայր մեկնեց մեկ մարտական հաշվարկ: Ժամը 11:18-ին տեղում կատարելով հետախուզում և իրավիճակի գնահատում միացվեց տարհանման տագնապային ազդանշանը: Դպրոցի տնօրեն տիկին Գայանե Սարգսյանի ցուցումներով և փրկարարներ Արտակ Գաբրիելյանի և Վահե Ջիլավյանի օգնությամբ աշակերտներին տարհանեցին դպրոցի բակ: Կատարելով լրացուցիչ հետախուզում՝ պարզվեց, որ 3-րդ հարկի սենյակներից մեկում (պայմանական) խուճապից թաքնվել են 3 աշակերտ: Փրկարարները, Ատոմ Զուրաբյանի գլխավորությամբ սկսեցին աշակերտների տարհանումը 3-րդ հարկից՝ պարանային տեխնիկայի միջոցով: Ժամը 11:40-ին վերջացնելով տարհանումը՝ տնօրեն տիկին Սարգսյանը զեկուցեց ընդհանուր անձնակազմի առկայության մասին: Ուսումնավարժության ընթացում տուժողներ չկան: Ուսումնավարժանքն անցավ բարձր մակարդակով: Արձանագրությունը կազմեց ուսումնավարժության ղեկավար փ/ծ ենթասպա Ա. Թորոսյանը, ուսումնավարժության պատասխանատուն էր N 1 դպրոցի տնօրեն Գ. Սարգսյանը, մասնակիցները՝ փ/ծ ավագ Ա. Զուրաբյան, փ/ծ ավագ Ա. Գաբրիելյան, փ/ծ սերժանտ Վ. Ջիլավյան: