Ցերեկույթ՝ նվիրված Համո Սահյանին

Փետրվարի 22-ին Գյումրու №28 հիմնական դպրոցում տեղի ունեցավ միջոցառում՝ նվիրված Հ. Սահյանին: Դահլիճում Սահյանի բնաշխարհն էր ներկայացված, որն էլ մեծ ոգևորություն պարգևեց ներկաներին: 7-րդ դասարանցիները ասմունքով, հետաքրքիր փաստերով, երգ ու պարով համեմեցին միջոցառումը: Հնչեցին «Նաիրյան դալար բարդի», «Մասրենի», «Դռները բացե'ք, գարուն է գալիս» երգերը: Միջոցառման ընթացքում սահյանական շունչը թևածում էր դահլիճում: Միջոցառումն ավարտվեց հայոց լեզվի և գրականության ուսուցչուհի Գ. Մուրադյանի ասմունքով` « Ես կուզենայի…..» Ես կուզենայի, Որ մարդիկ իրար շատ վստահեին, Որ գլխի վրա պահեին իրար, Ուսերի վրա իրար պահեին: Ես կուզենայի, որ մարդիկ իրար լավ հավատային, Որ իրարից լույս առնեին նրանք Եվ աստղերի պես իրար լույս տային: