Արարատյան բակալավրիատի ներդրման հարցն օրակարգում

 

Ողջունելով հանդիպման մասնակիցներին՝ նախարար Լևոն Մկրտչյանը նշել է, որ հասարակական խորհուրդը պետք է տեղյակ լինի կրթության ոլորտում իրականցվող բոլոր ծրագրերից, հետևաբար յուրաքանչյուր նիստին կներկայացվեն իրականացվող հիմնական նախագծերը:

 

«Արարատյան բակալավրիատը թերևս մեր ամենակարևոր աշխարհայացքային նշանակության փոփոխություններից մեկն է: Ներկայումս մշակվում է ՀՀ կրթակարգը, որի շրջանակում փորձում ենք այլընտրանք հասկացողությունից խուսափել, այսինքն՝ բացել կրթական պլատֆորմը՝ ցանցային ձևաչափով, հորիզոնական և ուղղահայաց կապեր ստեղծել և այդ պլատֆորմ հրավիրել բոլոր այն արդյունքները, որոնք կրթության ոլորտում իրականացվում են:

 

Ի դեմս Արարատյան բակալավրիատի՝ առկա է 10-ամյա քրտնաջան և հետևողական աշխատանք, որի արդյունքում ստեղծված և մեր ազգային կրթակարգն ընդգրկող հայալեզու կրթական ծրագիրն այսօր ճանաչվել է միջազգային երկու գերազանցության կենտրոնների կողմից»,-նշել է նախարարը:

 

Անդրադառնալով այն խնդրին, թե ինչ կտա Արարատյան բակալավրիատն ուսուցիչներին, նշվել է, որ այն կտա աշխատանք ԱԲ-ի համակարգի դպրոցներում, կարիերայի աճ և ստեղծարար միջավայր, աշխատավարձի բարձրացում, ինչպես նաև մասնագիտական համայնքին անդամակցություն:

 

Աղբյուրը՝ Edu.am