Այցելություն գրականության և արվեստի թանգարան

Օրերս Dasaran կրթական ծրագիրն անակնկալ էր մատուցել Շենգավիթ վարչական շրջանի թիվ 140 հիմնական դպրոցի ուսուցիչներին և աշակերտներին: Երևանի թիվ 140 հիմնական դպրոցը` որպես Dasaran.am կայքի հետ համագործակցող և վարկանիշավորման սանդղակում առաջատար տեղ զբաղեցնող դպրոց, հաճելի առաջարկություն էր ստացել: Դպրոցի լավագույն դասարաններից մեկին հնարավորություն էր տրվել անվճար այցելելու Եղիշե Չարենցի անվան արվեստի և գրականության թանգարան: Այս անգամ բախտը ժպտաց դպրոցի 9-րդ դասարանի աշակերտներին և նրանց դասղեկ Թ. Ղույումջյանին, ով վաղուց էր պատրաստվում աշակերտների հետ այցելել թանգարան: 9-րդ դասարանցիները փետրվարի 3-ին մեծ ոգևորությամբ այցելեցին արվեստի և գրականության թանգարան, որտեղ նրանց սիրով սպասում էին թանգարանի աշխատակիցները: Էքսկուրսավարը հաճույքով և մանրամասն ներկայացրեց թանգարանի բոլոր սրահները: Աշակերտները եղան հայ կինոյին, թատրոնին, երաժշտությանը և գրականությանը վերաբերող սրահներում, ծանոթացան հայ մեծանուն կինոռեժիսիորների, դերասանների , կոմպոզիտորների և գրողների կյանքի ու գործունեության մանրամասներին, զգացին նրանց շունչն ու ներկայությունը յուրաքանչյուր սրահում: Աշակերտները հաճելի տպավորություններով հեռացան թանգարանից: Թիվ 140 դպրոցի տնօրենությունը, ուսուցչական անձնակազմը ևաշակերտները խորին շնորհակալություն են հայտնում Dasaran կրթական կենտրոնին նման հնարավորություն ընձեռելու համար, ինչը ավելի պարտավորեցնող է դարձնում մանկավարժի աշխատանքը: