Փա՛ռք քեզ, հայո՛ց բանակ

<< ՀՀ Գեղարքունիքի մարզի Սևանի Յա.Զարոբյանի անվան N2 հիմնական դպրոց>> ՊՈԱԿ սովորղների հետ դաստիարակչական աշխատանքների գծով կազմակերպիչ Մարիեն Հարությունյանի նախաձեռնությամբ հունվարի 27-ին կազմակերպվեց <<Փա՛ռք հայոց բանակին>> խորագրով համադպրոցական միջոցառում՝ նվիրված ՀՀ զինված ուժերի կազմավորման 25-րդ տարեդարձին: Աշակերտները հանդես եկան ոգեշունչ բանաստեղծություններով, հայրենիքին ու բանակին նվիրված երգերով: Դահլիճում թևածում էր հայրենասիրական ոգին, որ հպարտության և վստահության զգացում էր արթնացնում ներկաների հոգիներում: Միջոցառմանը ներկա էին աշակերտներ, ուսուցիչներ և ծնողներ: Զինղեկ Ե.Հակոբյանը շնորհավորելով ներկաներին տոնի կապակյցությամբ՝ ողջ հայ ազգին մաղթեց անամպ երկինք ու խաղաղություն: Դպրոցի տնօրեն Կ.Գևորգյանը իր ելույթում նշեց, որ Հայոց բանակն է հայ ժողովրդի անվտանգության ապահովման երաշխավորը և հորդորեց աշակերտներին լավ սովորեն և դառնան հայրենիքին արժանի զավակներ: Այսօր մենք հպարտ ենք, որ ունենք հզոր ու մարտունակ բանակ: Թող հոջողությունն ու խաղաղությունն ուղեկից լինեն մեր զինվորներին: Շնորհավո՛ր տոնդ, Հայ զինվոր…