Հոգու գույները

Փետրվարի 4-ին Dasaran կրթական ծրագրի հետ համագործակցության շրջանակներում Աբովյան քաղաքի Վ.Համբարձումյանի անվան №10 հիմնական դպրոցի Vբ դասարանի աշակերտները այցելել էին Մ.Սարյանի տուն-թանգարան: Թանգարանի ներսում հատուկ խնամքով և հպարտությամբ իրենց սրտի խոսքն ասեցին աշակերտները՝ շնորհավորելով նկարչի ծննդյան օրը: Աշակերտների ոգևորությունն ու խանդավառությունը շաղախված էր սարյանական լուսավոր ու արևավառ գույներով: Սարյանի արվեստի խորության, բայց և պարզության գաղտնիքները դասղեկ Արմինե Վարդանյանի ջանքերով հասանելի դարձան երեխաներին և բավարարվեց նրանց սպասումնատենչ հետաքրքրությունը: Իսկ ամենակարևոր փաստն այն էր, որ այս երեխաներին տրվեց հնարավորություն շուրջ 20 րոպե նկարել Մ.Սարյանի արվեստանոցում: Յուրաքանչյուրն իր հետ բերել էր բուռ մը Սարյան՝ ողողված տաք գույներով, վարակիչ հայապաշտությամբ ու մշակույթով: Նյութը պատրաստեց Ա.Ղուկասյանը