Ցերեկույթ` Ռ.Սևակի անվան դպրոցում

Educational 2013-05-20

2013թ. մայիսի 16-ին անցկացվեց դաս-ցերեկույթ Ռ.Սևակի անվան թիվ 151 հիմնական դպրոցի 6-ա դասարանում: Դասը կրում էր «Թռիչքներ երազում և արթմնի» խորագիրը և բաղկացած էր 3 մասից:

Առաջին մասում ցուցադրվեցին համաշխարհային արվեստի և հայարվեստի մեծագույն նկարիչների, քանդակագործների և ճարտարապետների լավագույն ստեղծագործությունները էլեկտրոնային գրատախտակի վրա: Բոլոր սլայդները ձևավորված էին հետաքրքիր էֆեկտներով և համեմված հաճելի երաժշտությամբ: Աշակերտները մեկ առ մեկ խոսում էին արվեստագետի և իր ժամանակաշրջանի մասին:

Երեխաները պատմեցին հետաքրքիր դեպքեր, իրադարձություններ, դիպվածներ նկարիչների կյանքից:

Միջոցառման հաջորդ մասն ամփոփում էր երեխաների 6 տարվա ստացած գիտելիքները կերպարվեստ առարկայից: Նրանք ցուցադրեցին իրենց գիտելիքները բնանկարի ժանրում, փորձեցին արտահայտել շարժում, բնավորություն: Ստեղծված էր հայկական կոլորիտ, քանի որ այս ամենը ցուցադրված էր գեղեցիկ բեմադրության մեջ՝ ստեղծված Հովհ.Թումանյանի «Բարեկենդան» հեքիաթի հիման վրա, նրանում գործող հերոս-տիկնիկների միջոցով, որոնք թելերով շարժվում էին մեծ ու գեղեցիկ դեկորացիաների առջև:

Երբ վերջացավ ցերեկույթը, տնօրինությունն ու ներկա ուսուցիչները միջոցառումը գնահատեցին դրական և ուսանելի:

Ցերեկույթ` Ռ.Սևակի անվան դպրոցում

Similar news...