Շնորհավոր տոնդ , հայոց բանակ

ՀՀ Գեղարքունիքի մարզի Լճաշեն գյուղի Ա.Տեր-Գրիգորյանի անվան միջն. դպրոցում հունվարի 27-ին անցկացվեց ցերեկույթ՝ նվիրված հայոց բանակի կազմավորման 25-րդ տարեդարձին : Օրը տոնական է : Փողփողում է Հայոց եռագույնը : Ներս են մտնում զինվորական համազգեստ հագած աշակերտները, նրանք քայլում են հպարտ ու հաստատուն՝ « Ես եմ քո վաղվա զինվորը » անբեկանելի խոսքը շուրթերին : Սիրտդ լցվում է հպարտությամբ , երբ լսում ես Հայոց բանակին նվիրված գեղեցիկ ասմունքն ու երգերը, հպարտ ու առնական պարերը : Կայացել է Հայոց բանակը , վստահ ու աներեր քայլերով գնում է առաջ՝ ավելացնելով իր հաղթանակների ու ձեռքբերումների թիվը : Շնորհավոր տոնդ , սիրելի Հայոց բանակ : Թող հաղթանակներդ ձեռք բերվեն խաղաղ պայմաններում : Օրվա խորհուրդն իրենց գեղեցիկ ու խրոխտ կատարումներով ամբողջացրին դպրոցի 5-12-րդ դասարանների աշակերտները՝ զինղեկ Գառնիկ Մանուկյանի և դաստիարակչական աշխատանքների կազմակերպիչ Ծովինար Կարապետյանի նախաձեռնությամբ: Միջոցառմանը ներկա էին դպրոցի տնօրինությունը, Սևանի տարածքային զինկոմիսարիատի ավագ ենթասպա Նաիրի Դուրգարյանը, զինկոմիսարիատի աշխատակից Սեյրան Կարապետյանը և գյուղապետարանի աշխատակազմի ներկայացուցիչներ: Բոլորը մեծ բավականությամբ հեռացան : Ն.Դավթյան Տնօրենի՝ մասնագիտացված կրթական աջակցությունների գծով տեղակալ