Երբ ամեն օրը մեզ հիշեցնում է այս օրը…

Ջերմուկի թիվ 1 հիմնական դպրոցի բակում հյուրընկալվեցին երազանքներով ապրող ու հեքիաթներին հավատացող փոքրիկները, ովքեր իրենց լուսավոր ու մեծ երազանքները փորձեցին կավճանկարել:

 

Նրանց երգն ու պարն ավելի ջերմացրին ամռան առաջին օրը: Միասնական ջանքերով փաստեցինք, որ անհոգ ու երջանիկ մանկության համար անհրաժեշտ են մեր հայրենիքի խաղաղ երկինքը, մեծերի ուշադիր ու գորովալից վերաբերմունքը:

 

Ուրախալի է, որ հենց այսօր են համախմբվում բոլոր նրանց ջանքերը, ում համար միևնույնը չէ վաղվա օրը: Կենսական անհրաժեշտություն է երեխաների ներաշխարհում ոգեղենի ծիլեր սերմանելը՝ ամեն օր, ընդհանրապես, առհասարակ…Այդպես կարելի է վստահ լինել, որ ամեն հաջորդ օր նրանց ավելի է մոտեցնում լուսավորին, վեհին, գեղեցիկին:

 

Ջերմուկի թիվ1 հիմն. դպրոց

Դաստիարակչական աշխատանքների 

կազմակերպիչ՝ Ա. Բաղդասարյան