Բուհական կրթահամակարգի բարեփոխումն օրակարգում

Հանձնաժողովը նախարարին է ներկայացրել նախորդ երկու նիստերի ընթացքում մշակված առաջարկությունները, որոնք վերաբերել են կրեդիտային համակարգի վերանայմանը, ուսանողների գնահատման համակարգի բարելավմանը, ուսումնական ծրագրերի հիմքում ուսանողի անհատական, այլ ոչ թե խմբային առաջընթացի ներդրումը:

 

Աշխատանքային խումբն առաջարկել է նաև պրոֆեսորադասախոսական կազմի ընտրության և աշխատանքի ընդունման հստակ կանոնակարգերի մշակում, գնահատման և խրախուսման մեխանիզմների ներդրում, դասախոսների կատարելագործման համակարգի իրագործում:

 

ՏՏ-ի ներդրման նպատակով ներկայացվել են որոշ առաջարկներ` բուհերում էլեկտրոնային կառավարման համակարգի ներդրում, կրթական էլեկտրոնային հարթակի և ռեսուրսների ստեղծում, համակարգչային տարբեր ծրագրերի միջոցով ինտերակտիվության և ուսանողի ներգրավվածության ապահովում և այլն:

 

Աղբյուրը՝ Edu.am