Ազդարարվել է նոր կրթական ծրագրի մեկնարկը

Ծրագրի ներկայացման առթիվ կայացած հանդիպմանը մասնակցել են ՀՀ կրթության և գիտության նախարարի տեղակալ Դավիթ Սահակյանը, «Արարատյան բակալավրիատ»-ին անդամակցելու թեկնածու դպրոցների ընտրության հանձնաժողովի անդամները:

 

ԿԳԱԾ-ի տնօրեն Տ․ Մեսրոպ քհն. Արամյանը, ներկայացնելով «Արարատյան բակալավրիատ»-ը, նշել է, որ այսօրվանից ազդարարվում է ծրագրի ներդրումը ՀՀ մարզային դպրոցներում և Արցախում: «Այս ծրագրի նպատակն է լավագույն կրթական բովանդակությունը և տեխնոլոգիաները հասանելի դարձնել Հայաստանի բոլոր երեխաներին:

 

ՀՀ կրթության և գիտության նախարարի տեղեկալ Դավիթ Սահակյանն էլ իր հերթին նկատել է.«Այսօր ազդարարում ենք  ծրագրի թեկնածու դպրոցների ընտրության մեկնարկը: Ծրագիրը բավականին խստապահանջ է.  դպրոցը պետք է ունենա վերապատրաստված ուսուցիչներ, անցած լինի որոշակի ինստիտուցիոնալ զարգացում և ունենա համապատասխան պայմաններ:

 

Այն դպրոցները, որոնք ունեն մոտիվացիա և պատրաստակամ են զարգանալ, պետք է հայտեր ներկայացնեն, որոնց հետ աշխատանքի շնորհիվ դրանք կմոտեցվեն հավաստագրման գործընթացին»:

 

Աղբյուրը՝ Edu.am