Մասնագիտության տեղի ու դերի հստակեցումն օրակարգում

Նիստի ընթացքում քննարկվել են ՀՀ կառավարության՝ ագրոկրթության զարգացման հանձնարարականի շրջանակում ագրոմասնագիտությունների ցանկի և կրթական ծրագրերի վերլուծությանն ու վերանայման առնչվող մի շարք հարցեր:

 

Անդրադառնալով կրթական ծրագրերի զարգացմանը՝ նախարարը շեշտել է, որ մասնագիտությունների ճիշտ և ֆունկցիոնալ նկարագրությունը բոլոր բուհերի, այդ թվում նաև ագրարային համալսարանի կարևոր հիմնախնդիրներից է:

 

«Երբ մենք ասում ենք՝ պետք է հստակեցնել տվյալ մասնագիտության տեղն ու դերը աշխատաշուկայում, ապա որպես աշխատաշուկա չենք կարող դիտարկել միայն Հայաստանի աշխատաշուկայի ֆիզիկական ծավալները:

 

Վստահաբար կրթական ծրագրերն ավելի կենսունակ կարող են լինել միայն ավելի մեծ շուկայի պահանջարկի համատեքստում: Այդ իմաստով կրթական ծրագրերի զարգացումը տարածաշրջանային և միջազգային կրթական համագործակցության ձևաչափով ավելի արդյունավետ կարող է լինել»,- նշել է ԿԳ նախարարը:

 

Աղբյուրը՝ Edu.am