Դպրոցի անակնկալը 5-րդ դասարանի աշակերտներին...

Վարդենիսի N 4 հիմնական դպրոցում տեղի ունեցավ վերանորոգված 5-րդ դասարանի բացումը:Այսօր ուրախալի փաստ է նաև, որ մեծ աշխատանքի աջակցության ու ջանքերի շնորհիվ բացվում են նոր վերանորոգված դասարաններ: Փոքրիկ միջոցառումը բացեց 5-րդ դասարանի աշակերտուհի Նոնա Երանոսյանը, նա կարդաց Պարույր Սևակի <<Բարև...>> ստեղծագործությունը , գեղեցիկ ասմունքով դասարանի տղաները համոզեցին ներկաներին, որ իրենք հաստատուն ու կանաչ ճանապարհ են ընտրել գիտելիքի աշխարհում:Դասարանի շնորհալի աշակերտուհի` Ալինա Սարոյանը ,միջոցառումը համեմեց իր անկրկնելի երգերի կատարումով Աշակերտները ներկայացրին նաև աշունն իբրև մեղեդի, երբեմն պայծառ, երբեմն թախծոտ, երբեմն օրորոցային, բայց միշտ լուսավոր, լավատեսությամբ լի: Նրանք մեծ ոգևորությամբ երգեցին, պարեցին, արտասանեցին և բազմաթիվ անակնկալների ականատես եղան:Դասարանում զգացվեց աշնան գեղեցկությունը, երեխաների ուրախ ու պայծառ տրամադրությունը: Դպրոցի տնօրեն` Անահիտ Սահակյանը, հատուկ շնորհակալություն հայտնեց դասարանի բոլոր ծնողներից, հատկապես Կարեն Մկրտչյանից , որն էլ մեծ ներդրում էր ունեցել դասարանի վերանորոգման գործում,իսկ դասղեկ ` Տաթևիկ Մանուկյանը նշեց, որ վերանորոգման շնորհիվ դասարանը նոր շունչ է առել, ավելի հյուրընկալ տեսք է ստացել, որն էլ կնպաստի երեխաների կրթությանն ու դասատիարակությանը: Դաստիարակությունը բոլորիս խնդիրն է, քանզի կրթության գերնպատակը անձի կայացումն է,ինչպես նաև անձի լիարժեք զարգացումն ու ինքնադրսևորումը ապահովելը: